A Concelleira de Igualdade do Concello de Narón anunciou a celebración en Aldea Nova os días 29, 30 e 31 de marzo próximos dunha nova edición da Ecoescola.
Este programa vai dirixido a familias que necesitan conciliar o traballo có coidado dos seus fillos e fillas de 3 a 13 anos en períodos de vacacións escolares.

A finalidade do programa é poñer fin ós obstáculos ós que se enfrontan as traballadoras para acceder e permanecer no mercado de traballo en igualdade de condicións, por ser as principais responsables do coidado de fillos/as, familiares e de cumprir con outras obrigacións persoais. A medida inclúese no I Plan de Igualdade de Narón. Dentro do Plan merece atención especial a ampliación de medidas para garantir a igualdade de oportunidades a familias que están en risco de exclusión social.

O prezo do programa é de 15 euros por persoa, e inclue o traslado en autobus, o almorzo e o xantar, ademáis das actividades lúdicas e educativas. Poderán participar 24 rapaces e rapazas. Para facelo, deberán dirixirse ó Servizo Sociocoumunitario Municipal ata o vindeiro xoves 25 de marzo. Haberán de cubrir unha instancia solicitando a súa participación no programa, e aportando os datos do neno/a. O modelo de instancia pode descargarse.

Nos tres días, realizaranse, entre outras actividades, xogos tradicionais, experimentos con enerxías renovables, prácticas de astronomía, labores na horta e gandería, e xogos para aprender a orientarse no medio físico, cociña ( facer o pan no forno tradicional de leña, facer o queixo…) e reciclaxe artística.

INSTANCIA PARA PARTICIPAR NO PROGRAMA ECOESCOLA